الجمعة، 22 أغسطس 2008

القهر


أحساس القهر يطاردنا

فالقهر كوحش جبار

القهر جحيم يلاحقنا

يطفىء فى العين الأنوار

لا يعباء ان يأكل لحمك
أن يحرق جسدك بالنار

لا يرغب أن ترفع صوتك

فالصوت دليل الاحرار

سيدمر كل محاولة

أن تصبح فارس مغوار

سيقّطع جسد الحرية

يبنى فى وجوهنا أسوار

لكنا أبدآ لن نصمت

وسنبقى أبدآ ثوار

وسنكمل دربآ به سيرنا

سنكمل كل المشوار

أحساس القهر ولو متنا

سيدوى صراخنا

أحرار

الخميس، 21 أغسطس 2008

السبت، 16 أغسطس 2008

أعظم حب


الى فارسى المنتظر 2


يمكننى أن أحبك فقط
أذا أحتويتنى بقوة وسكنتنى بعمق

لا تسألنى كيف ؟
هذا لغزك

فكر فى الحل أذا رأيت أننى أستحق
وسأمنحك رموز فك الشفرة
أذا رأيت أنك تستحق


فالحب عندى صعب
والوصول لقلبى صعب
وأمتلاك أمرى صعب

لكن تذكر جيدآ
أن أصعب الطرق دائمآ ما تؤدى
ألى أعظم حب

الاثنين، 11 أغسطس 2008

أسيرة حبك



الى فارسى المنتظر 1

أحبك جدآ وأجهل كيف أحبك أكثر
فمن بين كل الوجوه الجميلة
ومن بين كل العقول المنيرة
ومن بين كل القلوب الكثيرة

أريدك أنت حتى أعيش وكى أتحرر

فما الحب يا حبى أمتلاك الشخوص وضبط الأمور
وما الحب يا حبى أعتصار القلوب وقهر العقول
وما الحب أكراهى على وضع المعانى بين السطور

فلو لم يحررنى هواك يدعنى أطير
أحس انطلاقى بين أحضان الأثير

سأكفر بوجهك هذا الجميل
سأكفر بعقلك غير المستنير
سأكفر بقلبك سجنى الكبير

ولن أبقى يومآ أ سيرة حبك
ستبقى حبيبى أنت الأسير

الثلاثاء، 5 أغسطس 2008

تاجى الاول


اهدتنى صديقتى الفراشة الجميلة تاج لم افهم فى البدايه حتى اكتشفت انى يجب ان اجيب على بعض الاسئلة

والان ساحاول ان اجيب وساحاول ان اتحرى الصدق والدقه


اولا: هواياتى

انا مجنونة قراءة واى ورقة بتقع تحت ايدى لازم اقراها

كمان بحب الكتابه مش بس شعر لكن كتير الكلام مش بيطاوعنى

بحب the face book علشان بعرف منه اخبار اصحابى


ثانيآ: أشهر عيوبى

انا كثيرة الاكتئاب لان المثل بيقول اللى يشوف بلاوى الناس تهون عليه

بلوته لكن انا بحزن واتالم اوى لما اشوف الآم غيرى مش مثاليه لكن

يمكن عبط


ثالثآ:حاجات بكرهها جدآ

الظلم ده شىء فظيع جدآ بكرهه اخر حاجه

كمان الكدب وتزييف الحقائق

الاستغلال ومحاولة فرض الراى بالقوة

تقييد الحريات


رابعآ: حاجات بحبها اوى ومش بمل من تكرارها

سؤال صعب اوى لانى بمل بسرعه جدآ لكن بحب اتكلم مع اصحابى القريبين ليا

ممكن نتكلم بالساعات وفى الغالب مش بمل

القراءة ومش بمل بالذات من قراءة كتب توفيق الحكيم الراجل ده عبقرى بجد

مشاهدة الفراشات بحس بمتعه لما تمر قدامى فراشه

بحب القمر بالذات ليلة 14 بعشقه


خامسآ:سؤال بيستفزنى جدآ

هو مفيش حاجه فى السكة؟

والسؤال ده بيسالوه كتير اوى والحاجة اللى مستنينها فى السكه هى عريس

مع انى دايمآ كنت بحس انه سؤال يتسال لواحدة متجوزه عن اذا كانت

حامل ولا لا

مش عارفه انا المفروض اقول ايه لاى حد حشرى بيسال عن جوازى

وبيسال سؤال غلط صبرنى يا رب


سادسآ:امنيتى فى الحياة

لما كنت بتكلم عن احلامى كانت الناس تقول انى بمثل واقول حاجات مثاليه اوى

لكن بما انكم متعرفونيش فانا هتكلم براحتى

انا نفسى اعرف الهدف من حياتى مش هدفى لكن هدف ربنا من انه خلقنى

واحقق الهدف ده نفسى اكون سبب سعادة لكل حد يعرفنى

نفسى بلدنا تتولد من جديد جميلة نضيفه متقدمه مليانه حرية وكرامة اهلها متصانه

نفسى احل مشكلة اطفال الشوارع نوفر لهم بيت ورعاية والاهم محبة

نفسى فى حاجات كتير لا الوقت ولا المساحة تسمح اكتب كل حاجه
اه نسيت نفسى انشر كل اللى كتبته فى كتاب بس مش عارفه يستحق النشر ولا لا


سابعآ:حاجات مؤمنه بيها جدآ

التغيير انا مؤمنه ان التغيير ممكن صعب لكن ممكن وانه مسئولية كل شخص

انه يغير اللى مش عاجبه فى نفسه والاوضاع من حواليه والكون كله لو امكن

المهم يكون تغيير للافضل


ثامنآ:اكتر حاجه فاشله فيها

انى امسك اعصابى ومتنرفزش لما حد يستفزنى بتدرب كتير انى متاثرش

بتصرفات الناس المستفزه لكن بفشل كتير كمان


تاسعآ:وظيفة بحبها

الصحافة لما تكون حرة ولو انى اشك ان فى حاجه كده


عاشرآ: مثلى الاعلى فى الحياة

انا هبط هبط مش قادرة

واحد بس مش كفاية لكن بحترم وبحب ناس كتيير منهم مجدى يعقوب

جراح القلب المصرى العالمى وطبعآ احمد زويل وتوفيق الحكيم اللى كان يستحق

جايزة نوبل بجد ودكتور رفيق نخله استاذى فى الجامعه الامريكيه ودكتور عماد كامل

بردوا استاذى فى الجامعه الامريكية


بهدى التاج لمين؟


ساعد نسرين الايمن

شيماء سمير

حدوتة

المفقوعة مرارتها